ІВАНАВА, да 1940 года Янава, — горад у Брэсцкай вобласці Беларусі, адміністрацыйны цэнтр Іванаўскага раёна, на р. Самараўка. У 132 км ад Брэста. Чыгуначная станцыя Янаў-Палескі на лініі Брэст—Пінск. Насельніцтва 16,4 тыс. чал. (2006).
Гісторыя Упершыню згадваецца ў 14 ст. як в. Порхава, якая ў 1423 была падораная Луцкаму кафедральнаму касцёлу. У 1465 пераназвана ў Янава ў гонар луцкага біскупа Яна Ласовіча. З 15 ст. мястэчка ў Кобрынскім павеце. З 1795 у складзе Расійскай імперыі. У часы імперыі жыхары Янава былі вядомыя ва ўсёй краіне як прафесійныя зборшчыкі ахвяраванняў на будоўлю цэркваў. (Гл. артыкул Лабары) З 1921 у складзе Польшчы, з 1939 у БССР. З 1940 цэнтр раёна. З 1971 набыў статус горада.
Эканоміка Прадпрыемствы харчовай, будаўнічых матэрыялаў, дрэваапрацоўчай прамысловасці. Гасцініца «Пад ліпамі».
